ಅಭಿಮಾನಿ

ನಾ ನಿಮಗೆ…


ನಿಮ್ಮ ಟಿಪ್ಪಣಿ ಬರೆಯಿರಿ

‘ಸುಕುಮಾರ್’ ಗೆ ಧನ್ಯವಾದಗಳು

ಶುಕ್ರವಾರ,ದಿನಾಂಕ: 25/07/2008, ಬೆಂಗಳೂರಿನ, ಕರ್ನಾಟಕದ ಇತಿಹಾಸದಲ್ಲಿಯೇ
ಮೊದಲ ಸರಣಿ ಬಾಂಬ್ ಸ್ಪೋಟ ದಾಖಲದ ದಿನ. ಒಂದು ಸಾವಿನೊಂದಿಗೆ,ಕೆಲವು
ಜನ ಗಾಯಗೊಂಡರು. ಇಡೀ ದೇಶಕ್ಕೆ ಇದ್ದಕ್ಕಿದ್ದ ಹಾಗೆ ದಿಗ್ಬ್ರಮೆಯಾಯಿತು.
ವಾರಾಂತ್ಯದ ‘ಮಜ’ ಅನುಭವಿಸಲು ಸಿದ್ಧರಾದವರಿಗೆ ಆಘಾತ. ಕಾಡ್ಗಿಚ್ಚಿನಂತೆ
ಹರಡುತ್ತಿದ್ದ ವದಂತಿಗಳು. ಜನರನ್ನು ಎಚ್ಚರಗೊಳಿಸುವತ್ತ ಮಾಧ್ಯಮಗಳು.
ಅನುಮಾನಾಸ್ಪದವಾಗಿ ಕಂಡು ಬರುವಂತಹ ವಸ್ತುಗಳನ್ನು ಪೊಲೀಸರ
ಗಮನಕ್ಕೆ ತರಬೇಕೆಂದು ಪೊಲೀಸರ, ಮಾಧ್ಯಮದವರ ಮನವಿಯಾಗಿತ್ತು.

ಶನಿವಾರ,ದಿನಾಂಕ: 26/07/2008, ಬೆಂಗಳೂರು ಶುಕ್ರವಾರದ ಘಟನೆಯ
ನಂತರ ಸಹಜ ಸ್ಥಿತಿಗೆ ಮರಳುತ್ತಿತ್ತು. ಕೋರಮಂಗಲದ ‘ಫೋರಮ್ ಮಾಲ್’ ಬಳಿ
ಅಸಹಜವಾದ ವಸ್ತುವೊಂದು ಕಂಡು ಬಂತು. ಅಲ್ಲಿನ ಹತ್ತಿರದ ಅಂಗಡಿಯವನು
ಪೊಲೀಸರಿಗೆ ವಿಷಯ ತಿಳಿಸಲು, ಪೊಲೀಸರು ಜಾಗೃತರಾಗಿ ‘ಬಾಂಬ್ ನಿಷ್ಕ್ರಿಯ
ದಳ’ದೊನ್ದಿಗೆ ಆಗಮಿಸಿದರು. ಫೋರಮ್ಮಿಗೆ ಬರುವ ರಸ್ತೆಗಳನ್ನೆಲ್ಲ ಮುಂಜಾಗ್ರತಾ
ಕ್ರಮವಾಗಿ ಬಂಧ್ ಮಾಡಲಾಯಿತು. ನಮ್ಮ ಹೀರೊ ‘ಸುಕುಮಾರ್’ ಕೂಡ ಈ ‘ಬಾಂಬ್ ನಿಷ್ಕ್ರಿಯ
ದಳ’ದಲ್ಲಿ ಇದ್ದರು.

ನಿಧಾನವಾಗಿ ಹೆಜ್ಜೆ ಇಡುತ್ತ ಸಾಗಿದ ‘ಸುಕುಮಾರ್’, ಆ ಅಸಹಜ ವಸ್ತುವಿನ ಬಳಿ
ಸಾಗಿ, ಅದನ್ನು ಸಜೀವ ಬಾಂಬ್ ಎಂದು ಧೃಡಪಡಿಸಿದರು. ನಂತರ ತಮ್ಮ
ಪ್ರಾಣದ ಹಂಗು ತೊರೆದು ಆ ಬಾಂಬನ್ನು ನಿಷ್ಕ್ರಿಯಗೊಳಿಸುವಲ್ಲಿ ಯಶಸ್ವಿಯಾದರು.
ನೆರೆದವರ ಮನದಲ್ಲಿ ಮಂದಹಾಸ, ಕೇಕೆ, ಕುಣಿತ. ಆ ದಿನದ ನಿಜವಾದ ಹೀರೊ
‘ಸುಕುಮಾರ್’.

ಸರ್ಕಾರ ಇವರ ಸೇವೆಯನ್ನು ಗಮನಿಸಿ ಒಂದು ಲಕ್ಷ ರೂ. ನಗದು ಬಹುಮಾನ
ಘೋಷಿಸಿತು. ಆದರೆ ಆ ಲಕ್ಷ ರೂಪಾಯಿಗಿಂತ ಕೋಟಿ ಹೃದಯದ ಪ್ರೀತಿಯೇ
ಅವರಿಗೆ ಸಂದಿದೆ. ಸುಕುಮಾರ್, ನಿಮ್ಮಂಥ ಧೈರ್ಯವಂತ ಅಧಿಕಾರಿಗಳಿಗೆ
ನನ್ನ ಅಭಿನಂದನೆಗಳು.

Advertisements


4 ಟಿಪ್ಪಣಿಗಳು

ಕನ್ನಡ ಗಾದೆಗಳು

1. ಆಡಿ ಪೋಕರಿ ಅನ್ನಿಸಿಕೊಳ್ಳುವುದಕಿಂತ ಆಡದೆ ಮೂಗ ಅನ್ನಿಸಿಕೊಳ್ಳುವುದು ಮೇಲು.
2. 
ಮಾತಿಗೆ ಸಾಯದೇ ಇದ್ದೋನೂ ಏಟಿಗೂ ಸಾಯುವುದಿಲ್ಲ.
3. 
ಹಾವು ಸಾಯಬಾರದುಕೋಲು ಮುರೀಬಾರದು.
4. 
ಇತ್ತಿತ್ತ ಬಾ ಅಂದರೆ ಇದ್ದ ಮನೆ ಕಿತ್ತುಕೊಂಡರು.
5. 
ಬೆರಳು ತೋರಿಸಿದರೆ ಅಂಗೈ ನುಂಗಿದಂತೆ.
6. 
ಅಪ್ಪನ ಕಾಲಕ್ಕೆ ಅರಮನೆಮಗನ ಕಾಲಕ್ಕೆ ಬರೀಮನೆ.


3 ಟಿಪ್ಪಣಿಗಳು

ಕನಸಲಿ ಕಾಡುವೆ ಏಕೆ?

ಕನಸಲಿ ಕಾಡುವೆ ಏಕೆ?
ನೀ ಮನಸಲಿ ಮೂಡಿಹೆ ಏಕೆ?
 ಹೃದಯದ ಭಾರ ನೀಗುತಲಿ
ನೀ ದೂರ ಹೋಗಬಾರದೇಕೆ?

ಪ್ರೀತಿಯ ಹೂವು ಅರಳಲು
ಅಡ್ಡಿಗಳೇತಕೆ ಮುಳ್ಳಾದವೊ?
ನಿನ್ನಯ ಪ್ರೀತಿಯ ಅಲೆಗಳಲಿ
ನನ್ನಯ ಕಣ್ಣು ಗಳೇತಕೆ ಮಂಜಾದವೋ?

ಹೋಗು ಹೋಗು ನೀ
ದೂರ ಹೋಗು
 ಹೃದಯಕೆ ಕಾಣದಂತೆ
ಮರೆಯಾಗಿ ಹೋಗುಮಂಜಿನ
ಹನಿಯಂತೆ ಕರಗಿ ಹೋಗು
ಮತ್ತೊಬ್ಬಳ ನೆನೆಯದಂತೆ
 ಹೃದಯವ ಕೊಂದು ಹೋಗು


ನಿಮ್ಮ ಟಿಪ್ಪಣಿ ಬರೆಯಿರಿ

ಕರೆಂಟ್ ಶಾಕ್

ಕರೆಂಟಿಲ್ಲದೇ ಶಾಕ್ ಹೊಡೆದರೆ ಹೇಗಿರುತ್ತೆಇದೇನು ವಿಚಿತ್ರ ಅನ್ನಬಹುದುಈಗ ಕರ್ನಾಟಕದಲ್ಲಿರೋ ಬಹುಪಾಲು
 
ಜನರಿಗೆ ಇದರ ಅನುಭವ ಆಗಿರಬೇಕುಪ್ರತಿದಿನ ಕರೆಂಟ್ (ಪವರ್ಇಲ್ಲದೇ ಅನುಭವಿಸುತ್ತಿರುವ ಶಾಕ್ ಇದು.
ವರ್ಷದಿಂದ ವರ್ಷಕ್ಕೆ ಮಳೆ ಪ್ರಮಾಣ ಕಡಿಮೆ ಆಗ್ತಾ ಇದೆಮಳೆ ಕಡಿಮೆ ಆದರೆಅಣೆಕಟ್ಟುಗಳಲ್ಲಿಯೂ ನೀರು 
ಇರೋದಿಲ್ಲಇದರಿಂದ ಕುಡಿಯೊ ನೀರಿಗೆವ್ಯವಸಾಯಕ್ಕೆ ಮತ್ತು ವಿದ್ಯುತ್ ಉತ್ಪಾದನೆಗೆಎಲ್ಲದಕ್ಕೂ ಕಷ್ಟ
ಪ್ರತಿದಿನ ಲೆಕ್ಕವಿಲ್ಲದೇ ನಾವು ವ್ಯರ್ಥ ಮಾಡೋ ನೀರು ಮತ್ತು ವಿದ್ಯುತ್ತಿನ ಬೆಲೆ ಈಗ ಎಲ್ಲರಿಗೂ 
ಗೊತ್ತಾಗಿರಬೇಕುಕೆಲವರಿಗೆ ಇದರ ಅರಿವಿದ್ದರುತಿಂಗಳಿಗೆ ಸರಿಯಾಗಿ ಬಿಲ್ ಮಾತ್ರ ಕಟ್ಟುತ್ತಾರೆ
ಮತ್ತೆ ಬೇಕಾಬಿಟ್ಟಿ ನೀರುವಿದ್ಯುತ್ ಬಳಸುತ್ತಾರೆ.
ಒಂದು ಅಂದಾಜಿನ ಪ್ರಕಾರನಮ್ಮ ರಾಜ್ಯದ ಜಲಾಶಯಗಳಲ್ಲಿ ಕೇವಲ ಕೆಲವೇ ದಿನಗಳಿಗಾಗುವಷ್ಟು ನೀರು 
ಮಾತ್ರ ಇದೆಅನಂತರ ನೀರುವಿದ್ಯುತ್ ಎರಡು ಇಲ್ಲನಮ್ಮ ರೈತರ ಜಮೀನಿನ ಬೆಳೆಯ ನೀರು 
ಬೆಂಗಳೂರಂತ ನಗರಗಳಿಗೆ ಕುಡಿಯಲು ನೀಡಲಾಗುತ್ತಿದೆಇದನ್ನು ಗಮನದಲ್ಲಿ ಇಟ್ಟುಕೊಳ್ಳಬೇಕುಹಾಗಾಗಿ 
ನೀರಿನ ಮೂಲಗಳ ರಕ್ಷಣೆಕೆರೆಗಳ ಒತ್ತುವರಿ ತಪ್ಪಿಸುವುದುಮಳೆ ಕೊಯ್ಲುಮರಗಳ ರಕ್ಷಣೆಮಿತವಾಗಿ 
ನೀರು ಮತ್ತು ವಿದ್ಯುತ್ ಬಳಸುವುದು ನಮ್ಮೆಲ್ಲರ ಕರ್ತವ್ಯಮುಂದಿನ ಪೀಳಿಗೆಗಾಗಿ ನೀರು ಉಳಿಸೋಣ.


ನಿಮ್ಮ ಟಿಪ್ಪಣಿ ಬರೆಯಿರಿ

ಹೂವಾಗಿ ಬರ್ತೀನಿ ಬಾಲೆ

ಹೂವಾಗಿ ಬರ್ತೀನಿ ಬಾಲೆ
ಮುಡಿಯಲಿ ಮೂಡಿದು ಬಾರೇಲೇ
ನಿನ್ನ ಮುಡಿಯಾಗೇ ಕುಂತು ನಾ
ಶೋಭೆ ತರ್ತೀನ್ಲೆ

ಸಂಜೆಗೆ ಬಾಡಿ
ಇರುಳ ಚಂದ್ರನಾಗ್ತೀನ್ಲೆ
ನೀನು ಮಲಗೋಕೆ
ಸವಿ ಜೋಗುಳ ಹಾಡುತ ಕೂರ್ತೀನ್ಲೆ

ಕನಸಲಿ ಬರ್ತೀನ್ಲೆ
ನಿನ್ನ ಮನದೊಳಿಳಿತೀನ್ಲೆ
ನಿನ್ನ ನನ್ನ ಪ್ರೇಮ
ಸಮಾಚಾರ ಮಾತಾಡ್ತಾ ಕೂರ್ತೀನ್ಲೆ

ಬೆಳಿಗ್ಗೆ ಎದ್ದ ಕೂಡಲೇ
ಲೋಟದಾಗೆ ಬಿಸಿ ಕಾಫೀಯಾಗಿ ಬರ್ತೀನ್ಲೆ
ನಿನ್ನ ಚೆನ್ದುಟಿಯ ಸವರಿ
ಮನಕೆ ಜೋಶ್ ತರ್ತೀನ್ಲೆ

ಕೊನೆಯವರೆಗೂ ಬರ್ತೀನೆ ಚೆಲುವೆ
ಕಷ್ಟ-ಸುಖಕೂ ಇರ್ತೀನಿ
ಬೆಳದಿಂಗಳ ಚಂದ್ರನ ಮಾಡಿ
ನಿನ್ನ ಬಾಳ್ವೆ ಕಾಯ್ತೀನ್ಲೆ


14 ಟಿಪ್ಪಣಿಗಳು

ನನ್ನ ಮೊದಲ ಲವ್ ಲೆಟರ್

ಹೈ ಡಿಯರ್ ಲಿಲ್ಲಿ,

ಹೌ ರ್ ಯು? ಈ ಲೆಟರ್ನ ಪೂರ್ತಿಯಾಗಿ ಓದು. ಇದು ನನ್ನ ಮೊದಲ ಲವ್ ಲೆಟರ್. ಹಾಗಾಗಿ ಈ ಲೆಟರ್ ಅನ್ನು ಮೊದಲಿನಿಂದ ಕೊನೆಯವರೆಗೆ ಸಂಪೂರ್ಣವಾಗಿ ಓದು, ನಂತರ ನೀನು ಪ್ರೀತಿಸದೇ ಹೋದರೂ ಪರವಾಗಿಲ್ಲ.

ನಾನು ರಾಜ್, ಎಮ್.ಎನ್.ಸಿ. ಕಂಪನಿ ಒಂದರಲ್ಲಿ ಕೆಲ್ಸ ಮಾಡ್ತಿದ್ದೀನಿ. ನಾನು ಕೆಲ್ಸ ಮಾಡೋ ಕಡೆ ಹತ್ತಾರು, ನೂರಾರು ಹುಡ್ಗೀರನ್ನ ನೋಡಿದ್ದೀನಿ. ನನ್ನ ಮನೆಯ ಎದುರುಗಡೆ ಲೇಡೀಸ್ ಪಿ.ಜಿ. ಇದೆ. ಅಲ್ಲೂ ಹತ್ತಾರು ಹುಡ್ಗೀರು ಇದ್ದಾರೆ. ನೋಡಲಿಕ್ಕೆ ಚೆನ್ನಾಗಿರೋರು ಇದ್ದಾರೆ. ಆದರೆ ಯಾಕೋ ನಿನ್ನ ನೋಡಿದ ಮೇಲೆ ಮತ್ಯಾರನ್ನು ನೋಡಬಾರದು ಅನ್ನಿಸಿತು. ಯಾಕೋ ಮನಸ್ಸು ಅಲ್ಲೇ ಸ್ಟ್ರಕ್ ಆಗಿ ಬಿಟ್ಟಿದೆ. ನನಗೆ ಇದೆ ಪ್ರೀತಿ ಅನಿಸಿತು. ಬುದ್ಧಿ ತುಂಬಾ ಯೋಚನೆ ಮಾಡ್ತು, ಇದು ಯಾವುದೇ ಇನ್‌ಫಾಚುಯೇಶನ್ ಅಲ್ಲ ಅಂತ ಕೂಡ ಬುದ್ಧಿ ಮನಸ್ಸಿಗೆ ಹೇಳಿತು. ನಾನು ನಿನ್ನ ನೋಡಿದ್ದು ಇದೆ ಮೊದಲ ಸಲ ಏನಲ್ಲ. ಇದು ಕ್ರಮೇಣ ಜರುಗಿದ್ದು. ನೀನು ಎಲ್ಲರಿಗಿಂತ ಚೆನ್ನಾಗಿದ್ದೀಯ ಅಂತ ನಾನು ನಿನಗೆ ಸುಳ್ಳು ಹೇಳಬೇಕಾಗಿಲ್ಲ. ನಾನೊಬ್ಬ ಫ್ಲರ್ಟ್ ಕೂಡ ಖಂಡಿತ ಅಲ್ಲ. ನನಗೆ ಹುಡ್ಗೀರಲ್ಲಿ ಫ್ರೆಂಡ್ಸ್ ಇದ್ದಾರೆ. ಆದರೆ ಗರ್ಲ್ ಫ್ರೆಂಡ್ ಇಲ್ಲ. ನೀನು ಬರಿ ನನ್ನ ಗರ್ಲ್ ಫ್ರೆಂಡ್ ಆಗಬೇಕು ಅಂತ ಪೀಠಿಕೆ ಆಗ್ತಾ ಇದ್ದೀನಿ ಅಂತ ಖಂಡಿತ ತಿಳ್ಕೋಬೇಡ. ನೀನು ನನ್ನ ಬಾಳಿ ನುದ್ದಕ್ಕೂ ಇರಬೇಕು, ಅದು ನನ್ನ ಆಸೆ. ನನ್ನ ಮನಸ್ಸಿಗೆ ಅನ್ನಿಸ್ಸಿದ್ದನ್ನ ನಿನಗೆ ನೇರವಾಗಿ ಹೇಳ್ತಾ ಇದ್ದೀನಿ. ಡೋನ್ಟ್ ಥಿಂಕ್ ಸಿಲ್ಲಿ.

ನಿನಗೆ ಈ ಲೆಟರ್ ಓದಿ, ಸ್ವಲ್ಪ ನಗು ಬಂದರೆ, ಓ ಕೆ, ಐ ವಿಲ್ ಆಲ್ಸೊ ಎಂಜಾಯ್ ಇನ್ ಯುವರ್ ಸ್ಮೈಲ್. ತಲೆನೋವು ಬರೋದಾದರೆ ಐ ಡೋನ್ಟ್ ಬಾದರ್ ಟೂ ಮಚ್. ಯಾಕೆಂದರೆ ಮನಸ್ಸಿನಲ್ಲಿ ಇರೋ ಸವಿ ಪ್ರೀತಿ ನಾನು ತಿಳಿಸುವುದಾದರೂ ಹೇಗೆ?

ಈ ಲೆಟರ್ ನ ಟೈಮ್ ಪಾಸ್‌ಗೆ ಬರೆದಿದ್ದು ಅಂತ ತಿಳ್ಕೋಬೇಡ. ನಾನು ನಿನಗೆ ನೇರವಾಗಿ ಹೇಳೋಣ ಅಂದುಕೊಂಡೆ. ಆದರೆ ಮಾತಾಡಿದಷ್ಟು, ಫಿಲ್ಮ್ನಲ್ಲಿ ಹೇಳಿದಷ್ಟು ಸುಲಭ ಅಲ್ಲ. ಫ್ರೆಂಡ್ಸ್ ಹತ್ತಿರ ಹೇಳಿ ಕಳುಹಿಸೋಣ ಅಂದುಕೊಂಡೆ, ಆದರೆ ಅವರು ಮೀಡಿಯೇಟರ್ ಯಾಕೆ ಆಗಬೇಕು?

ನಿನಗೆ ಹೇಳಬೇಕು ಅನ್ನಿಸಿದ್ದನ್ನ ಸಂಕ್ಷಿಪ್ತವಾಗಿ ಹೇಳಿದ್ದೀನಿ. ನಿನಗೂ ನನ್ನ ಮೇಲೆ ಪ್ರೀತಿ ಬಂದರೆ ಪ್ರೀತಿಸು. ಯಾವ ರೀತಿಯ ಬಲವನ್ತವು ಇಲ್ಲ. ಯಾಕೆಂದರೆ ಪ್ರೀತಿ ಬಲವಂತದಿಂದ ಬರೋದಿಲ್ಲ ಅನ್ನೋದು ನನಗೆ ಗೊತ್ತು. ಆದರೆ ಸುಳ್ಳು ಹೇಳಿ ಕೈ ಕೊಡಬೇಡ. ನನ್ನ ಪರ್ಸನ್ಯಾಲಿಟೀ ನೋಡಿಯೋ, ಪ್ರಾಪರ್ಟೀ ನೋಡಿಯೋ ಪ್ರೀತಿಸಬೇಡ. ಯಾಕೆಂದರೆ ಅದು ಪ್ರೀತಿನೇ ಆಗಿರಲ್ಲ. ಹಾಗಾಗಿ ನಿನ್ನ ಬುದ್ಧಿ ಮಾತಿಗಿಂತ, ಮನಸ್ಸಿನ ಮಾತು ಕೇಳು. ನಿನ್ನ ಮನಸ್ಸಿಗೆ ನಾನು ಸಂಗಾತಿ ಆಗಬಲ್ಲೆನು ಅನ್ನಿಸಿದರೆ, ನಿನ್ನ ಪ್ರೀತಿನ ನನ್ನ ಜೊತೆ ಹಂಚಿಕೊಳ್ಳಬಹುದು. ನೀನು ನನ್ನ ಪ್ರೀತಿನ ಒಪ್ಪಿಕೊಳ್ಳಲೇಬೇಕು ಅಂತಾನೂ ಇಲ್ಲ. ಆದರೆ ನೀನು ನನ್ನ ಜೊತೆ ಮಾತನಾಡಲಿಲ್ಲ ಅಂದರೆ ಮಾತ್ರ, ನನಗೆ ನೆನೆಸಿಕೊಳ್ಳೋದಕ್ಕೆ ಆಗೋದಿಲ್ಲ. ಮತ್ತೆ ಯಾರನ್ನಾದರೂ ನೀನು ಈಗಾಗಲೆ ಪ್ರೀತಿಸುತ್ತಿದ್ದರೆ, ನನ್ನ ಕಡೆಯಿಂದ ಬೆಸ್ಟ್ ವಿಶಸ್ ಮತ್ತು ಸಾರೀ, ನಾನು ಸ್ವಲ್ಪ ಲೇಟ್ ಆದೇ ಅನ್ನಿಸುತ್ತೆ.

ಸೋ ನೋ ಎಕ್ಸ್‌ಪೆಕ್ಟೇಶನ್, ಓನ್ಲೀ ಲವ್,

ಟೇಕ್ ಕೇರ್,
ರಾಜ್


ನಿಮ್ಮ ಟಿಪ್ಪಣಿ ಬರೆಯಿರಿ

ಮಳೆ ಮಳೆ

ಅತ್ತು ಕರೆದರು ಬಾರದಿದ್ದೆ
ಎಲ್ಲರ ಕಣ್ತಪ್ಪಿಸಿ ಓಡುತಲಿದ್ದೆ
ನಿನ್ನ ನೋಡುವರ್ಯಾರು ಇರಲಿಲ್ಲ
ಅಂದು

ಕಿರು ಮರಹೆಮ್ಮರಗಳ
ಬುಡಮೇಲು ಮಾಡಿ
ರಸ್ತೆಮನೆಗಳ ಹೊಡೆದು
ಹರಿದಾವು ಕಣ್ಣೀರಿನ ಕೋಡಿ
ಇಂದು ನಿನ್ನ ಆಟಾಟೋಪಕೆ

ಮಳೆ ಮಳೆ ಎನುತಲಿದ್ದವರ
ಎಳೆ ಎಳೆ ಉಸಿರ ತೆಗೆದು
ಹಸಿರ ಉತ್ತಿ ಬಿತ್ತುತಲಿರುವೆ
ಮಹಾಮಳೆಯೆ ನಿನಗೆ ನಾ ತಲೆ ಬಾಗುವೆ