ಅಭಿಮಾನಿ

ನಾ ನಿಮಗೆ…


ನಿಮ್ಮ ಟಿಪ್ಪಣಿ ಬರೆಯಿರಿ

ಹಳೆಯದಲ್ಲ ಹೊಸದಿದು

ತೆಗೆದು ಎಲ್ಲಿಗೋ ಎಸೆಯಬೇಡ
ಹಳೆಯದಲ್ಲ ಕವನ
ಹೊಸದಿದು

ಮತ್ತೆ ಮತ್ತೆ ಯಾಕೋ
ನೀ ನೆನಪಾದೆ

ನೀನು ನನ್ನೊಂದಿಗೆ
ನಡೆದ ದಾರಿಯೆಲ್ಲ ನೆನಪಾಯಿತು
ಎಸೆಯಬೇಡ ಹೊಸದು ಕವನವಿದು

ನಿನ್ನ ನಗು ಯಾಕೋ
ಮತ್ತೆ ನನ್ನಲ್ಲಿ ಮಾರ್ಧನಿಸಿತು
ಹಳೆಯ ನೆನಪು ಮರುಕಳಿಸಿತು

ನಿನ್ನ ಮಾತು, ಮೌನ
ನಿನ್ನ ಬೈಗುಳ ಮತ್ತೆ
ಯಾಕೋ ನೆನಪಾಯಿತು

ನಿನ್ನ ರೂಪು, ಲಾವಣ್ಯ
ಕ್ಷಮಿಸು ನೆನಪಾಯಿತು

ಇಂದು ನೀನು ಎದುರಲಿಲ್ಲ
ಆದರೂ ಯಾಕೋ ನೆನಪಾಯಿತಲ್ಲ

ಕಳುಹಿಸುತಿರುವೆ ಕವನ
ಹಳೆಯದಲ್ಲ ಹೊಸದು
ಇಷ್ಟವಾದರೆ ಒಪ್ಪಿಕೋ
ಬೇಡವಾದರೆ ಎಸೆದುಬಿಡು…


6 ಟಿಪ್ಪಣಿಗಳು

ನಿದ್ದೇನ ಕದ್ದವಳು

ಬರೆಯುವ ಮೊದಲೆ ಅಕ್ಷರವ ಕದಿಯೋಳು

ಬರೆದಾದ ಮೇಲೂ ನಿದ್ದೇನ ಕದ್ದವಳು

ನನ್ನೆದುರಿಗೆ ಬಂದಾಗ ಏನು ಮಾಡಲಿ

ಅವಳೇನಾದರೂ ಕೇಳಿದರೆ ಏನು ಹೇಳಲಿ?

 

ಕಣ್ಣ ನೋಟವ ಕದ್ದು ಎಲ್ಲೋ ಬಚ್ಚಿಟ್ಟು

ಎಲ್ಲಿ ಏನು ಹುಡುಕುವೆ ಎಂದು ಕೇಳೋವಳು

ಮಾತಿಗೆ ಎದುರಾಡದೆ ನಿಂತಾಗ

ನಕ್ಕು ಓಡಿದರೆ ನಾನೇನೂ ಮಾಡಲಿ?

 

ಕದ್ದ ಮಾಲು ಪಡೆಯುವುದಾದರು ಹೇಗೆ

ಕದ್ದ ಕನಸು, ಮನಸು ಬರುವುದೇ ಹಾಗೆ

ನೀವಾದರೂ ಸ್ವಲ್ಪ ಹೇಳಿ ಅವಳಿಗೆ

ಈಗಲಾದರೂ ತಂದು ಕೊಡಲಿ, ಇಲ್ಲವಾದರೆ ಅವಳ ಮನಸ್ಸು ಕೊಡಲಿ


1 ಟಿಪ್ಪಣಿ

ಯುಗಾದಿ

ಗೆಲ್ಲುವ ಚಲವಿತ್ತು
ಅಭಿಮಾನದ ಹರಿವಿತ್ತು
ಸಾಹಸ,ಸಾಧನೆ ತೋರಿದ ಧೋನಿಗೆ
ದೇವರೆ ನೀಡಿದ ಈ ಅಣಿಮುತ್ತು

ಜಯಹೋ ಇಂಡಿಯಾ
ಎದುರಾಳಿ ಯಾರಾದರೂ
ಹರಸುವಾಗ ಕೋಟಿ ಹೃದಯ
ನಿಮಗಿಲ್ಲ ಯಾರ ಭಯ

ಆ ಸ್ಥಳವೇ ಭಾರತದ ವಾಂಖೆಡೆ
ಜಗದ ಗಮನವೆಲ್ಲ ಅದರ ಕಡೆ
ಭಾಗ್ಯದ ಲಕ್ಷ್ಮಿ ನಮ್ಮಮ್ಮ
ಯುಗಾದಿಗೆ ಹರಸಿದಳು ಧೋನಿ ಪಡೆ

ಭಾಗ್ಯದ ಭಾರತದ ವಾಸಿಗಳೆಲ್ಲ
ಬಾಳಲಿ ಹರುಷದಿ ವರುಷವೆಲ್ಲ
ಧೋನಿ ಕಂಡ ಹರುಷದ ಯುಗಾದಿ
ಹರಡಲಿ ಹರುಷ ಜಗಕೆಲ್ಲ


2 ಟಿಪ್ಪಣಿಗಳು

ಗುರು ಮತ್ತು ದಾರಿ

ಎಲ್ಲೋ ಹೊರಡಲು ನಿಂತಿರುವೆ

ನಿಂತು ಯಾರಿಗೋ ಕಾಯುತಿರುವೆ

ಎಲ್ಲಿಗೆ ಹೋಗುವುದು ತಿಳಿಯದಾಗಿದೆ

ಜೊತೆಗೆ ಬರುವವರು ಯಾರೋ?

ನೋವು-ನಲಿವಿನ ಬುತ್ತಿಯುಂಟು

ಆಲಸ್ಯ-ಅನುಭವದ ಗಂಟು ಉಂಟು

ಅನುಭವದ ಗಂಟು ಹೊರುವುದು ಹೇಗೊತಿಳಿಯದಾಗಿದೆ

ನೋವು ಆಲಸ್ಯಗಳ ಗಂಟನ್ನಿಳಿಸುವರಾರೋ?

ಗಾಢ ಅಂಧಕಾರದ ಊರಲಿ

ಬೆಳಕ ನೀಡಲು ಬೇಕಿದೆ ದೀವಿಗೆ

ಗುರಿಯ ಮುಟ್ಟಲು ಬೇಕಿದೆ ದಾರಿ

ಕೈಯ ಹಿಡಿದು ನಡೆಸೊ ಗುರುವು ಬೇಕಿದೆ


6 ಟಿಪ್ಪಣಿಗಳು

ಕತೆ ನಿನ್ನದೆ

ಹೊಸಕತೆಯ ಮೊದಲ ಸಾಲು

ಬರೆಯೋದು ಹೇಗೆ ಹೇಳು

ಹೆಸರಿಡಲು ಮರೆತೋದ ಕತೆಗೆ

ನೀನೆ ಒಂದು ಹೆಸರು ಹೇಳು

ಕಡಲಿನ ಹಸಿಮರಳಿನ

ಬೆಚ್ಚನೆ ಮನೆಯ ಕಟ್ಟಿದ ಕತೆ ಹೇಳಲೆ

ಸಾವಿರ ಹೂಕನಸುಗಳ

ಜೋಡಿಸಿ ನಲಿದ ಮಾಹಿತಿ ನೀಡಲೆ

ನೀನೊಮ್ಮೆ ನಕ್ಕಾಗ, ನಗುವೊಂದು ಮೊಳೆದಾಗ

ಮುತ್ತೊಂದು ಹುಟ್ಟಿದ ಕತೆಯೆ ಅದ್ಭುತ

ನೀ ಕುಲುಕುತ ನಡೆಯಲು, ಹಿಂದಿರುಗಿ ನೋಡಲು

ಯುವ ಹೃದಯಗಳೆಲಲ್ಲೊಂದು ಕತೆ ನಿಶ್ಚಿತ

ನಿನ್ನ ಕತೆಯ ಬರೆಯಲು ಪದಗಳೆ ಇಲ್ಲ

ಹಟ ಮಾಡದೆ ನನಗೆ ಕೆಲವು ಪದಗಳಾದರು ಕೊಟ್ಟು ಹೋಗು

ಈ ಹೃದಯದಲ್ಲಿ ನಿನ್ನ ಬಿಟ್ಟರೆ ಬೇರಾರಿಲ್ಲ

ನಿನ್ನ ಕತೆಗೆ ನೀನೆ ಹೆಸರಿಟ್ಟು ಹೋಗು


1 ಟಿಪ್ಪಣಿ

ಬಂತೊಂದು ಹೊಸ ವರುಷ

ಹಳೆದು ಬಸವಳಿದು
ಕಳೆದೋಯಿತೊಂದು ವರುಷ
ನಲಿದು ನೆಗೆನೆಗೆದು
ಬಂತೊಂದು ಹೊಸ ವರುಷ
 
ಅಂತೆ-ಕಂತೆಯೆಲ್ಲ
ಏಕೆ ಬೇಕು ಬಾಳಲಿ
ಚಿಂತೆ-ಗಿಂತೆಯೆಲ್ಲ
ಮರೆತು ಬಾಳು ಹಸನಾಗಲಿ
 
ಕಂಡ ಕನಸುಗಳು
ನೂರು ಇವೆ ಜೊತೆಯಲಿ
ನಮ್ಮ ಮನಸುಗಳು
ದುಡಿದು ಕನಸೆಲ್ಲ ನನಸಾಗಲಿ
 
ವರುಷವಿಡಿ ಇರಲಿ
ಎಲ್ಲ ನಲಿದಾಡೋ  ಸಂಭ್ರಮ
ನೋವುಗಳೆಲ್ಲ ಮರೆಯಲಿ
ಸುಖಿಸುತ ಆರೋಗ್ಯ ಕ್ಷೇಮ
 
ಹೊಸ ವರುಷವೊಂದು
ಕೋರುತಿದೆ ನಿಮಗೆ ಶುಭಾಶಯ
ವರುಷದ ಹರ್ಷವೊಂದು
ಕಾಯುತಿದೆ ನಿಮ್ಮನ್ನೇ ಮಹಾಶಯ


3 ಟಿಪ್ಪಣಿಗಳು

ಮೌನವೇ ಮಾತಾಗಿ

ನಡೆದು ಬಾ ಬಳಿಗೆ
ಸುಮ್ಮನೆ ಹಾಗೆ
ಮಾತೊಂದು ಆಡಬೇಡ
ನಗುವೊಂದಿರಲಿ ಜೊತೆಗೆ
 
ಕಣ್ಣುಗಳೇ ಮಾತಾಡುವಾಗ
ಬೇರೆ ಮಾತೇಕೆ ಈಗ
ಮೌನದಿ ಹೃದಯದ ಭಾಷೆ
ಕೇಳಲು ಎಂಥ ಸೊಗಸೆ
 
ಪ್ರೀತಿಯ ಮೂಟೆ ಹೊತ್ತು
ಅದರಲಿ ಸಾವಿರ ಕನಸನಿತ್ತು
ಜೊತೆ ಬಾರೆ ಮೆಲ್ಲಗೆ
ಮೌನದ ಆಭರಣ ಇರಲಿ ತೆಳ್ಳಗೆ
 
ಮೌನದಿ ಬೇಡ ಮಾತಿನ ಮೋಹ
ಆರದು ಎಂದು ಪ್ರೀತಿಯ ದಾಹ
ನೀನಿರದ ಸನಿಹ
ಭರಿಸಲಾಗದು ವಿರಹ