ಅಭಿಮಾನಿ

ನಾ ನಿಮಗೆ…


Leave a comment

ಹಳೆಯದಲ್ಲ ಹೊಸದಿದು

ತೆಗೆದು ಎಲ್ಲಿಗೋ ಎಸೆಯಬೇಡ
ಹಳೆಯದಲ್ಲ ಕವನ
ಹೊಸದಿದು

ಮತ್ತೆ ಮತ್ತೆ ಯಾಕೋ
ನೀ ನೆನಪಾದೆ

ನೀನು ನನ್ನೊಂದಿಗೆ
ನಡೆದ ದಾರಿಯೆಲ್ಲ ನೆನಪಾಯಿತು
ಎಸೆಯಬೇಡ ಹೊಸದು ಕವನವಿದು

ನಿನ್ನ ನಗು ಯಾಕೋ
ಮತ್ತೆ ನನ್ನಲ್ಲಿ ಮಾರ್ಧನಿಸಿತು
ಹಳೆಯ ನೆನಪು ಮರುಕಳಿಸಿತು

ನಿನ್ನ ಮಾತು, ಮೌನ
ನಿನ್ನ ಬೈಗುಳ ಮತ್ತೆ
ಯಾಕೋ ನೆನಪಾಯಿತು

ನಿನ್ನ ರೂಪು, ಲಾವಣ್ಯ
ಕ್ಷಮಿಸು ನೆನಪಾಯಿತು

ಇಂದು ನೀನು ಎದುರಲಿಲ್ಲ
ಆದರೂ ಯಾಕೋ ನೆನಪಾಯಿತಲ್ಲ

ಕಳುಹಿಸುತಿರುವೆ ಕವನ
ಹಳೆಯದಲ್ಲ ಹೊಸದು
ಇಷ್ಟವಾದರೆ ಒಪ್ಪಿಕೋ
ಬೇಡವಾದರೆ ಎಸೆದುಬಿಡು…


6 Comments

ನಿದ್ದೇನ ಕದ್ದವಳು

ಬರೆಯುವ ಮೊದಲೆ ಅಕ್ಷರವ ಕದಿಯೋಳು

ಬರೆದಾದ ಮೇಲೂ ನಿದ್ದೇನ ಕದ್ದವಳು

ನನ್ನೆದುರಿಗೆ ಬಂದಾಗ ಏನು ಮಾಡಲಿ

ಅವಳೇನಾದರೂ ಕೇಳಿದರೆ ಏನು ಹೇಳಲಿ?

 

ಕಣ್ಣ ನೋಟವ ಕದ್ದು ಎಲ್ಲೋ ಬಚ್ಚಿಟ್ಟು

ಎಲ್ಲಿ ಏನು ಹುಡುಕುವೆ ಎಂದು ಕೇಳೋವಳು

ಮಾತಿಗೆ ಎದುರಾಡದೆ ನಿಂತಾಗ

ನಕ್ಕು ಓಡಿದರೆ ನಾನೇನೂ ಮಾಡಲಿ?

 

ಕದ್ದ ಮಾಲು ಪಡೆಯುವುದಾದರು ಹೇಗೆ

ಕದ್ದ ಕನಸು, ಮನಸು ಬರುವುದೇ ಹಾಗೆ

ನೀವಾದರೂ ಸ್ವಲ್ಪ ಹೇಳಿ ಅವಳಿಗೆ

ಈಗಲಾದರೂ ತಂದು ಕೊಡಲಿ, ಇಲ್ಲವಾದರೆ ಅವಳ ಮನಸ್ಸು ಕೊಡಲಿ


6 Comments

ಪ್ರೀತಿ ಎಲ್ಲಿದ್ದರೂ ಚೆನ್ನಾಗಿರಲಿ

ಹೇ ಹುಡುಗಿ ಹೇಗಿದ್ದೀಯಾ?

ಎಷ್ಟೊಂದು ದಿನ ಆಯ್ತು ನಿನ್ನನ್ನ ನೋಡಿ? ಎಲ್ಲಿದ್ದೀಯ? ಏನು ಮಾಡ್ತಿದ್ದೀಯಾ? ನಿನಗೆ ಹೀಗೆಲ್ಲ ನಾನು ಪ್ರಶ್ನೆ ಕೇಳಿ, ನಿನ್ನ  ಉತ್ತರ ಕೇಳಿ, ನನಗೆ ತುಂಬಾ ಸಮಾಧಾನ ಆಯ್ತು. ನನ್ನ ಮನಸ್ಸಲ್ಲಿ ಆದ ಸಮಾಧಾನ ಸಂತೋಷ ನಿನ್ನೆದುರಿಗೆ ವ್ಯಕ್ತಪಡಿಸೋದು ಎಷ್ಟು ಕಷ್ಟ ಅಂತ ನಿನಗೂ ಗೊತ್ತಾಗಬಹುದು ಅಂದ್ಕೋತೀನಿ. 

ನಮ್ಮ ಹಿಂದಿನ ಸವಿ ಪ್ರೀತೀನ ಯಾವತ್ತೂ ನೆನಪು ಮಾಡ್ಕೋಬೇಡ. ಅವತ್ತು ಸವಿಯಾಗಿದ್ದ ಪ್ರೀತಿ ಇಂದಿಗೂ ನನಗೆ ಸವಿಯೇ. ಆದರೆ ಅದೆ ಸಮಾಜಕ್ಕೆ ಹುಳಿಯ ವಾಸನೆ ಬರುತ್ತೆ. ಅದು ಅವರ ಮೂಗಿನ ನೇರದ ನ್ಯಾಯಕ್ಕೆ ಅರ್ಥ  ಆಗಲ್ಲ.  

ಹೋಗಲಿ ಬಿಡು. ನೀನು ನನಗಿಂತ ಚೆನ್ನಾಗಿ ಬದುಕು ಕಟ್ಟಿಕೊಂಡದ್ದು, ನಿಜವಾಗಿಯೂ ಒಂದು ಸಾಹಸವೇ ಹೌದು. ಇನ್ನು ಏನು ಹೇಳೋಕು ಮನಸ್ಸು ತಡವರಿಸುತ್ತಿದೆ, ತೊದಲುತ್ತಿದೆ. ನೀನು ಚೆನ್ನಾಗಿದ್ದೀಯಾ ಅನ್ನೋ ಒಂದು ಸಿಹಿ ಸತ್ಯ ಸಾಕು. ನಾವೇನು ಪ್ರೀತಿಗಾಗಿ ತಾಜ್್ಮಹಲ್ ಕಟ್ಟಬೇಕಾಗಿರಲಿಲ್ಲ, ನಮ್ಮ ಬದುಕು ಕಟ್ಟಿಕೊಂಡರೆ ಸಾಕಿತ್ತು. ಈ ದಿನ ನಿನ್ನ ಬದುಕು ಹಸನಾಗಿದೆ. ನಾನೂ ಪರವಾಗಿಲ್ಲ. ಜೀವನವೆಂಬುದು ರೇಸಲ್ಲ, ನಾವೂ ಸೋಲಲಿಲ್ಲ. ನಿನ್ನ ಬದುಕು ಹೀಗೆ ಸುಂದರವಾಗಿರಲೆಂದೆ ನನ್ನ ಹಾರೈಕೆ.

                                                                                                                                   …………….


7 Comments

ನಿಮ್ಮ ಅಭಿಪ್ರಾಯ ಮುಖ್ಯ…

ಪ್ರಿಯ ಗೆಳೆಯರೆ,

ಯಾಕೋ ಎನೋ ಮನಸ್ಸಲ್ಲಿ ಪ್ರಶ್ನೆಯೊಂದು ಕಾಡುತ್ತಿದೆ. ಏನೆಂದರೆ ನಮಗೆ ನೆಮ್ಮದಿ ಮುಖ್ಯನೋ ಅಥವಾ ಮದುವೆ ಮುಖ್ಯನೋ? ಕುತೂಹಲಕ್ಕಷ್ಟೆ ಈ ಪ್ರಶ್ನೆ. ನಿಮ್ಮ ಅಭಿಪ್ರಾಯ ತಿಳಿಸಿ…………ನಿರೀಕ್ಷೆಯಲ್ಲಿ!

ನಿಮ್ಮ ಅಭಿಮಾನಿ


Leave a comment

2011 in review

The WordPress.com stats helper monkeys prepared a 2011 annual report for this blog.

Here’s an excerpt:

The concert hall at the Sydney Opera House holds 2,700 people. This blog was viewed about 27,000 times in 2011. If it were a concert at Sydney Opera House, it would take about 10 sold-out performances for that many people to see it.

Click here to see the complete report.